សេចក្តីផ្តើម

ភ្នំពេញ គឺជារាជធានីនៃព្រះរាជាណាចក្រកម្ពុជា ជាមជ្ឈមណ្ឌលនយោបាយ សេដ្ឋកិច្ច សង្គមកិច្ច ទេសចរណ៍ វប្បធម៍ និងការទូត ដែលមានការអភិវឌ្ឍលើគ្រប់វិស័យ។

រាជធានីភ្នំពេញ មានផ្ទៃដីសរុប ៦៩៥,៤៦គីឡូម៉ែត្រក្រឡា មាន ១៤ខណ្ឌ ១០៥សង្កាត់ និង៩៥៣ភូមិ មានគ្រួសារប្រជាជនសរុបចំនួន ៣៨៦ ៨៤១គ្រូសារ ប្រជាជនសរុប ១ ៨៦៧ ៩៨៧នាក់(ស្រី៩៦៨ ២០០នាក់) មានទីតាំងស្ថិតនៅភាគខាងត្បូង នៃប្រទេសកម្ពុជា ត្រង់ទន្លេចតុមុខ ជាចំណុចប្រសព្វរវាង ទន្លេមេគង្គលើ ទន្លេមេគង្គក្រោម ទន្លេសាប និងទន្លេបាសាក់ ដែលមានព្រំប្រទល់ខាងលិចទល់នឹងស្រុកអង្គស្នួល ខាងកើតទល់នឹងក្រុងអរិយក្សត្រ ស្រុកកៀនស្វាយ ខាងជើងទល់នឹងស្រុកមុខកំពូល ស្រុកពញាឮ ខាងត្បូងទល់នឹងស្រុកកណ្តាលស្ទឹង ក្រុងតាខ្មៅ ខេត្តកណ្តាល។

មន្ទីរកសិកម្ម រុក្ខាប្រមាញ់ និងនេសាទរាជធានីភ្នំពេញ មានអាសយដ្ឋាននៅភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។

តួនាទី និងភារកិច្ចរបស់មន្ទីរកសិកម្ម រុក្ខាប្រមាញ់ និងនេសាទ

មន្ទីរកសិកម្មរាជធានី ខេត្ត ជាអង្គភាពថ្នាក់មូលដ្ឋានរបស់ក្រសួងកសិកម្ម រុក្ខាប្រមាញ់ និងនេសាទ មានបេសកកម្មដឹកនាំ គ្រប់គ្រង និងធ្វើសកម្មភាពវិស័យកសិកម្មនៅក្នុងក្របខ័ណ្ឌរដ្ឋបាលរាជធានី ខេត្ត របស់ខ្លួន។

មន្ទីរកសិកម្មរាជធានី ខេត្តមានមុខងារ និងភារកិច្ចដូចតទៅ ៖

លើកផែនការដឹកនាំនិងជំរុញការអនុវត្តកិច្ចអភិវឌ្ឍវិស័យកសិកម្មនៅក្នុងរាជធានី ខេត្ត ស្របតាមគោលនយោបាយរបស់ក្រសួងកសិកម្ម រុក្ខាប្រមាញ់ និងនេសាទ ។
គ្រប់គ្រងទិន្ន័យកសិកម្មគ្រប់ជំនាញ លើកគម្រោងផែនការនិងវិធានការអភិវឌ្ឍវិស័យកសិកម្ម
លើកគម្រោងកម្មវិធីចំណូល ចំណាយ តាមដានពីការអនុវត្តនិងប្រមូលចំណូលក្នុងវិស័យកសិកម្មបង់ចូលថវិករដ្ឋ
គ្រប់គ្រងមន្ត្រីរាជការ ថវិកា ទ្រព្យសម្បត្តិរដ្ឋរបស់មន្ទីរកសិកម្ម ខេត្ត ឲ្យបានត្រឹមត្រូវតាមគោលការណ៍ច្បាប់
រៀបចំកម្មវិធីបណ្តុះបណ្តាលនិងបំពាក់បំប៉ន ពង្រឹងសម្ថភាពមន្ត្រីបុគ្គលិក
ផ្សព្វផ្សាយ ជម្រុញ ណែនាំ និងត្រួតពិនិត្យ អនុវត្តបណ្តាវិធានការបច្ចេកទេសក្នងវិស័យកសិកម្មគ្រប់ផ្នែកដល់ការិយាល័យអង្គភាពចំណុះ បណ្តាការិយាល័យកសិកម្មក្រុង ស្រុក ខណ្ឌ និងមណ្ឌលកសិកម្មឃុំ សង្កាត់
ផ្តល់ការគាំទ្រនិងផ្ទេរបច្ចេកទេសក្នុងវិស័យកសិកម្មគ្រប់ផ្នែក ដល់កសិករនិងដៃគូចូលរួម និងលើកទឹកចិត្តអង្គការវិជ្ជាជីវៈសមាគមនានានិងបង្កើតសហគមន៍អភិវឌ្ឍនានាដែលពាក់ព័ន្ធនឹងវិស័យកសិកម្មដើម្បីកែលម្អ ផលិតកម្មនិងផលិតភាពក្នុងវិស័យកសិកម្មគ្រប់ផ្នែក
ចូលរួម សហការក្នុងការអនុវត្ត វិធានការពារ ធនធានធម្មជាតិក្នុងវិស័យកសិកម្មគ្រប់ផ្នែក តាមការកំណត់នយោបាយអភិវឌ្ឍ អភិរក្សរបស់ក្រសួង
ចាត់ចែងការងារអន្តរាគមន៍ ទប់ស្កាត់បង្ការ និងរាយការណ៍សុំយោបល់ជាបន្ទាន់ពីរដ្ឋបាលរាជធានី ខេត្ត និងក្រសួងកសិកម្ម រុក្ខាប្រមាញ់ និងនេសាទ នូវបណ្តាសមាសភាព ភយន្តរាយ គ្រោះធម្មជាតិ ភាពអនាធិបតេយ្យលើវិស័យកសិកម្មគ្រប់ផ្នែកដែលកើតមាន
ធ្វើជាដៃគូដ៏ល្អនិងមានប្រសិទ្ធភាពក្នុងកិច្ចសហការ និងកិច្ចសហប្រតិបត្តការជាមួយបណ្តាមន្ទីរនានា
អង្គការ និងម្ចាស់ជំនួយនានា សម្រាប់ការអភិវឌ្ឍវិស័យកសិកម្មនៅក្នុងខេត្ត រាជធានី
ទទួលអនុវត្តភារកិច្ចផ្សេងៗទៀតដែលថ្នាក់ដឹកនាំក្រសួងប្រគល់ឲ្យ ។

មន្ទីរកសិកម្មរាជធានី ខេត្ត ដឹកនាំដោយប្រធានមួយរូប និងអមដោយអនុប្រធានមួយចំនួន ជាជំនួយការតាមការចាំបាច់:

ក. ប្រធានមន្ទីរ:

ទទួលខុសត្រូវដំណើរការគ្រប់សកម្មភាពការងារអង្គភាពរបស់ខ្លួនត្រូវទទួលខុសត្រូវចំពោះមុខរដ្ឋមន្ត្រីក្រសួងកសិកម្ម រុក្ខាម្រមាញ់ និងនេសាទ និងរដ្ឋបាលរាជធានី ខេត្ត នូវរាល់ការងារវិស័យកសិកម្មតាមដានកិច្ចអនុវត្តន៍បទបញ្ជានិងការណែនាំរបស់ថ្នាក់លើក្នុងក្របខ័ណ្ឌច្បាប់ និងត្រូវទទួលវិន័យចំពោះអំពើអសកម្មរបស់ខ្លួន ។

ខ.អនុប្រធានមន្ទីរ :

ជួយការងារប្រធានមន្ទីរតាមការប្រគល់ភារកិច្ចពីប្រធានមន្ទីរ
ទទួលខុសត្រូវចំពោះមុខប្រធានមន្ទីរ លើការងារដែលបានបែងចែកនិងប្រគល់ឲ្យ និងមានភារកិច្ចចូលរួមទទួលខុសត្រូវជាមួយប្រធានក្នុងការដឹកនាំវិស័យកសិកម្មក្នុងរាជធានី ខេត្ត ។

មន្ទីរកសិកម្ម រុក្ខាប្រមាញ់ និងនេសាទរាជធានីភ្នំពេញ មានអង្គភាព ការិយាល័យជំនាញដូចខាងក្រោម៖

ក. ការិយាល័យ និងអង្គភាពក្រោមឱវាទមន្ទីរៈ

១.ខណ្ឌរដ្ឋបាលព្រៃឈើភ្នំពេញ

២.ខណ្ឌរដ្ឋបាលជលផលភ្នំពេញ

៣.ការិយាល័យរដ្ឋបាល បុគ្គលិក

៤.ការិយាល័យផែនការ គណនេយ្យ

៥.ការិយាល័យនីតិកម្មកកសិកម្ម

៦.ការិយាល័យផលិតកម្ម និងបសុព្យាបាល

៧.ការិយាល័យក្សេត្រសាស្ត្រ និងផលិតភាពកសិកម្ម

៨.ការិយាល័យផ្សព្វផ្សាយកសិកម្ម

៩.ការិយាល័យគ្រឿងយន្តកសិកម្ម

១០.ការិយាល័យអភិវឌ្ឍន៍សហគមន៍កសិកម្ម

១១.ការិយាល័យកសិឧស្សាហកម្ម

១២.ការិយាល័យកៅស៊ូ

ការិយាល័យនីមួយៗ ត្រូវចែកចញជាផ្នែកចំណុះផ្សេងៗ។ការបង្កើតផ្នែកចំណុះការិយាល័យ និងភារកិច្ចរបស់ផ្នែកនីមួយៗ ត្រូវកំណត់សម្រេចដោយប្រកាសរបស់ក្រសួងកសិកម្ម រុក្ខាប្រមាញ់ និងនេសាទ ។

ស្ថានភាពមន្រ្តីរាជការ និងមន្រ្តីជាប់កិច្ចសន្យា(ឆ្នាំ២០២៥)៖

មន្រ្តីក្របខ័ណ្ឌកំពុងបម្រើការងារក្នុងមន្ទីរកសិកម្ម រុក្ខាប្រមាញ់ និងនេសាទរាជធានីភ្នំពេញ មានចំនួន១៥៥នាក់ (ស្រី៣០នាក់) ក្នុងនោះមន្ត្រីក្របខ័ណ្ឌ“ក” ចំនួន៨២នាក់(ស្ត្រី១០នាក់) ក្របខ័ណ្ឌ“ខ” ចំនួន៤៤នាក់ (ស្ត្រី១៤នាក់) ក្របខ័ណ្ឌ“គ” ចំនួន២៩នាក់(ស្ត្រី៦នាក់) និងមន្រ្តីជាប់កិច្ចសន្យាសរុបចំនួន៨នាក់(ស្រី២នាក់)។

មន្រ្តីរាជការមានកម្រិតជំនាញ ថ្នាក់បណ្ឌិត ២នាក់(ស្រ្តី០នាក់) ថ្នាក់អនុបណ្ឌិត ៣១នាក់(ស្រ្តី០៥នាក់) បរិញ្ញាបត្រ ៧១នាក់(ស្រ្តី០៧នាក់) បរិញ្ញាបត្ររង ៣៤នាក់(ស្រ្តី១៣នាក់) បឋម១៣នាក់(ស្រ្តី០៤នាក់) និងគ្មានសញ្ញាបត្រ ០៤នាក់(ស្រ្តី០១នាក់)។

មន្រ្តីនៅតាមអង្គភាព និងការិយាល័យជំនាញក្រោមឱវាទមន្ទីរ ៖

ថ្នាក់ដឹកនាំមន្ទីរសរុប ០៤នាក់ (ប្រធានមន្ទីរ ០១រូប និងអនុប្រធានមន្ទីរ ០៣រូប)

អង្គភាព និងការិយាល័យជំនាញសរុប ១៥១នាក់(ស្រ្តី៣០នាក់)

ខណ្ឌរដ្ឋបាលព្រៃឈើភ្នំពេញ ៥១នាក់(ស្រ្តី១នាក់)
ខណ្ឌរដ្ឋបាលជលផលភ្នំពេញ ២៨នាក់(ស្រ្តី៥នាក់)
ការិយាល័យរដ្ឋបាល បុគ្គលិក ០៤នាក់(ស្រ្តី១នាក់)
ការិយាល័យផែនការ គណនេយ្យ ០៦នាក់(ស្រ្តី៣នាក់)
ការិយាល័យផលិតកម្ម និងបសុព្យាបាល ៣០នាក់(ស្រ្តី៦នាក់)
ការិយាល័យផ្សព្វផ្សាយកសិកម្ម ០៤នាក់(ស្រ្តី២នាក់)
ការិយាល័យក្សេត្រសាស្រ្ត និងផលិតភាពកសិកម្ម ០៦នាក់(ស្រ្តី៣នាក់)
ការិយាល័យគ្រឿងយន្តកសិកម្ម ០៥នាក់(ស្រ្តី៣នាក់)
ការិយាល័យអភិវឌ្ឍន៍សហគមន៍កសិកម្ម ០៥នាក់(ស្រ្តី៣នាក់)
ការិយាល័យនីតិកម្មកសិកម្ម ០៦នាក់(ស្រ្តី៣នាក់)
ការិយាល័យកសិឧស្សាហកម្ម ០៣នាក់(ស្រ្តី០នាក់)
ការិយាល័យកៅស៊ូ ០៣នាក់(ស្រ្តី០នាក់)។

ចំនួនអ្នកចូលទស្សនា